周浦是什么区(周浦是什么区的)

上海周边地区

各古镇、大镇、名镇是勿勿少少

譬如说高桥镇、川沙镇等等

为啥独独称周浦叫“小上海”？

迭个出处辣啥地方？

恐怕没什么人讲得清楚

我研究过各种资料，无法查实

连《周浦镇志》上也没有确切个指证

我认为，这种讲法是民间个口口相传

无非是形容当年周浦

人气旺，繁华，新潮，有点像大上海

1

记得上海解放后不久，我曾经跟随长辈回过周浦老家。迭个辰光，周浦辣行政区域上属于江苏省南汇县，我伲坐摆渡船过了黄浦江，周围是冷清清个乡村，想勿到居然能够坐上一列小火车，呜呜呜一叫，就到了一个闹猛地方，使我对周浦刮目相看。

辣辣老家祠堂里祭拜过后，有人打电话到一个名叫共和园个饭店，饭店老老快就派人提篮送菜上门摆上来几桌，迭种派头同上海个大饭店一式似样子，又让我迭个小囡邪气好奇，迭个地方哪能会是乡下头呢？

《周浦1990》

迭几年，我到周浦白相个趟数更多了，从上海市区以及各个郊区经过周浦镇个公交车居然有30多条。镇区中心地带侪是高楼大厦搭密集个店铺，有点像老上海个金陵东路、城隍庙。还有一条老长老闹猛个小上海步行街，我还以为自己轧辣大上海个人堆里。

年家浜康沈路口

现在周浦个宣传墙浪向有迭种闲话：浦东十八镇，周浦第一镇。周浦辣辣历史高头确实有伊个辉煌。我以为周浦有“小上海”之称个口口相传，辣时间浪向顶早勿超过20世纪初，最有可能出现辣20世纪30年代。因为周浦地区原是东海一部分，唐朝初期成陆后成了盐场，历经宋、元、明，到了清雍正时期，市面已有繁荣迹象，到了上海开埠后二三十年，即19世纪中后期，周浦辐射到了上海的巨大影响。

年家浜康沈路口

北油车弄20号

关岳路

东大街-《周浦老街之夜》

《周浦镇志》上就有使我惊讶个记载：1868年，周浦出现天主教圣心堂，迭个说明西方教会思想已经随上海开埠传到此地；1901年，周浦地区首现以柴油机为动力个近代工业机动轧厂；1903年，周浦出现私立同仁小学；1904年，上海邮务总局辣周浦设立邮政专柜；1906年，周浦镇商会成立，本地商号已多达数百家；1907年，《浦东报》辣周浦创办，周浦地区个思想活跃辣浦东首屈一指；1911年，周浦接连出现公立崇新中等女学堂跟杨洁女校；1912年，周浦设治为市，市设议会、董事会，周浦市政个规模之大，远非浦东一般乡镇可比；1925年，周浦至周家渡个铁道汽油车开通，拖5节车厢，两年后又改驶蒸汽小火车；1934年，周浦大戏院建成；1941年，周浦商家接通与上海市区个电话……

以上种种，再清楚勿过个描划出20世纪早期，周浦地区已经勿再像旧式农村中个乡镇，伊辣工商、市政、文教、交运等等方面，快速突变、蜕变，拨众口交誉称之为“小上海”，邪气有道理。从表象浪向看，周浦跟大上海相隔黄浦江仅仅20多公里，但迭个并勿是伊能称为“小上海”个决定性因素。关键还是辣人，在于周浦人。

澧溪路

康沈路

军民路@川周公路

1127年，北宋个京都南迁到杭州后，交关名人学士就迁居到了周浦，明朝也有大官迁到周浦定居。数百年来，周浦个土地浪有勿少大官、大商人、文化人个后裔，生息繁衍，形成了一个独特个族群。

著名翻译家——傅雷

迭些人勿同于一般个土著农业人口。伊拉有文化头脑，有经济实力，对外部世界个变化十分敏感，对新思潮个接受搭仔实践邪气活跃起劲。上海开埠后，交关周浦人到了上海租界里定居、谋生，所处个社会层次比较高。伊拉勿断拿新信息传到家乡，投资家乡工商业个新兴项目，正所谓有铜钿出铜钿有力气出力气有点子出点子。周浦能成为“小上海”，就不会是偶然的了。